ފަނޑިޔާރުންނަށް ބިރު ދައްކައިގެން އަމުރު ފަސް ކުރުވީ މާދަމާ ބޮޑުތަނުން ބަލިވާނެކަން ޔަގީން ވުމުން ކަމަށް ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފު ވިދާޅުވެއްޖެއެވެ.
ރައްޔިތުންގެ މަޖިލީހުގެ 12 މެމްބަރުންގެ ގޮޑި ނުގެއްލޭކަމަށް ހުކުމް ކޮށް މިމަހުގެ އެއްވަނަ ދުވަހު ސުޕުރީމް ކޯޓުން ނެރުނު އަމުރު ފަސް ކުރުމަށް މިއަދު ހަވީރު ސުޕުރީމް ކޯޓުގެ ތިން ފަނޑިޔާރުން ވަނީ އަމުރެއް ނެރެފައެވެ.
Hama emme kamehves qaanoonee imuge therein kuran nudhane,nukere. 2 fandiyaarun jalah laa 3 fandiyaarunnah birudhakkaigen amuru faskuree maadhamaa seedhaa boduthanun balivaathan yageen veema.Hurihaa Membarunnah baiveriveveynama 50 ah vure gina vote yageen kashavaru #BoduFindi
— Ahmed Mahloof (@AhmedMahloof) February 18, 2018
މަހްލޫފު މިރޭ ކުރެއްވި ޓްވީޓެއްގައި ވިދާޅުވީ ދެ ފަނޑިޔާރުން ޖަލަށްލައި 3 ފަނޑިޔާރުންނަށް ބިރު ދައްކައިގެން އަމުރު ފަސް ކުރުވީ ބޮޑުތަނުން ބަލިވާނެކަން ޔަގީން ވުމުން ކަމަށާއި، ހުރިހާ މެމްބަރުންނަށް ބައިވެރިވެވޭނަމަ 50 އަށް ވުރެ ގިނަ ވޯޓު ޔަގީން ކަށަވަރު ކަމަށެވެ.
"ހަމައެންމެ ކަމެއްވެސް ގާނޫނީ އިމުގެ ތެރެއިން ކުރަން ނުދަނޭ، ހިތާމައަކީ ތިން ފަނޑިޔާރުންނަށް ހަމަ އެހެން ފަނޑިޔާރުންނަށް ހެދިގޮތް ހަދާނެކަން ނުވިސްނޭކަން"
މަހްލޫފު ކުރެއްވި ޓްވީޓުގައި ވިދާޅުވިއެވެ.
Hithaama akee e 3 fandiyaarunnah hama ehen fandiyaarunnah hedhigoiy hadhaanekan nuvisneykan
— Ahmed Mahloof (@AhmedMahloof) February 18, 2018
މާދަމާ މަޖްލިސްގެ ހާއްސަ ޖަލްސާއެއް ބާއްވަނީ ކުއްލި ހާލަތު އިއްލާން ކުރުމަށް ނެރުނު ގަރާރާއި މެދު ގޮތެއް ނިންމާށެވެ. އެގޮތަށް ތާވަލް ކުރިތާ މަދު ގަޑިތަކެއްގެ ތެރޭގައި ސުޕުރީމް ކޯޓުން ވަނީ މެމްބަރުންގެ ގޮޑި ނުގެއްލޭ ކަމަށް ސުޕުރީމް ކޯޓުގެ އިއްތުފާގުން ނެރުނު އަމުރަށް އަމަލު ކުރަން ފަސް ކުރުމަށް އިތުރު އަމުރެއް ނެރެފައެވެ. އެއާއި އެކު މާދަމާގެ ޖަލްސާއަށް 12 މެމްބަރުންނަށް ނުވަދެވޭނެއެވެ.