ކުރީގެ ރައީސް މުހައްމަދު ނަޝީދު އިންޑިޔާއަށް ކުރެއްވި ދަތުރުފުޅު ނިންމަވާލުމުގެ ކުރިން އެގައުމުގެ ޑިފެންސް މިނިސްޓަރު ނިރްމަލާ ސިތާރަމަންއާ ބައްދަލު ކުރައްވައިފިއެވެ.
އިންޑިޔާގެ ނޫހެއް ކަމަށްވާ "ދަ ހިންދޫ" އިން ގެނެސްދިން ޕްރޮގްރާމެއްގައި ބައިވެރިވެ ވަޑައިގެންނެވުމަށް ފަހު ނަޝީދު ވަނީ މިއަދު ދަތުރުފުޅު ނިންމަވާލައްވާފައެވެ.
Pleasure to meet and brief Indian Minister of Defence H.E @nsitharaman on the situation in the #Maldives. pic.twitter.com/tsj2qIObJs
— Mohamed Nasheed (@MohamedNasheed) February 18, 2018
އަދި ދަތުރުފުޅު ނިންމަވާލުމުގެ ކުރިން ޑިފެންސް މިނިސްޓަރާއި ބައްދަލު ކުރައްވައި މަޝްވަރާ ކުރައްވާފައިވެއެވެ. ނަމަވެސް މި ބައްދަލުވުމުގައި މަޝްވަރާ ކުރެއްވީ ކޮން ކަމަކާ ގުޅޭ ގޮތުން ކަމެއް ނަޝީދު ހާމަކޮށްފައެއް ނުވެއެވެ.
ނަޝީދު ކުރެއްވި ޓުވީޓުގައި ވިދާޅުވެފައިވަނީ އިންޑިޔާގެ ޑިފެންސް މިނިސްޓަރާއި ބައްދަލުކުރެއްވުމުން އުފާ ކުރައްވާ ކަމަށެވެ. އިތުރު ތަފްސީލެއް ނަޝީދު ހާމަކޮށްފައެއް ނުވެއެވެ.