ރައީސް ޔާމީނަށް ތާއިދު ނުކުރައްވާނެކަމަށާއި، ޔާމީންގެ އަނިޔާވެރިކަން ފޮރުވާ ނިވާ ފަތްގަނޑަކަށް ނުވާނެކަމަށް ނޮޅިވަރަން ދާއިރާގެ މެމްބަރު ހުސެއިން އަރިފް ވިދާޅުވެއްޖެއެވެ.
އަރީފް މިފަދައިން ވިދާޅުވެފައި މިވަނީ ސުޕުރީމް ކޯޓުގެ އަމުރުގެ ފަހުން ހިނގަމުންދާ ސިޔާސީ ހަރަކާތްތަކުގެ ތެރެއިން ނުފެނުމާއި އަދި އިއްޔެ ބޭއްވި މަޖްލިސް ޖަލްސާގައި އިދިކޮޅު މެމްބަރުންނާއި އެކު އަރީފު ނުފެނުމުން ގިނަ ބައެއްގެ ކަންބޮޑުވުން ފާޅު ކުރަމުން ދަނިކޮށެވެ.
RY gaathuga thibi alhuganduge ekuveryn lavvaaAlhuganduge vote hoadhumah thiya kuraa masakkaiy huttaalun edhen Alhugan'du qaboolu kurany alhugandah thiya dhakkany iblees kaleymenah dhakkaa dhalha thakeh kamah Alhugan'du nethin RYge aniyaaverikan foruvaa nivaa fiygadakakah vaakah.
— Hussain Areef (@husainaryf) February 19, 2018
ކުއްލި ހާލަތުގެ ގަރާރު ފާސް ކުރުމަށް ބޭނުންވާ މެމްބަރުންގެ ގާނޫނީ އަދަދު ހަމަ ނުވެފައިވަނިކޮށް ޕީޕީއެމްގެ ޕާލިމެންޓްރީ ގްރޫޕްގެ ލީޑަރ ވަނީ އެ އަދަދު ހަމަ ކުރާނެ ކަމަށް ބުނެފައެވެ. އެހެންވެ އިދިކޮޅު ހަރަކާތްތަކުން ނުފެންނަ މެމްބަރުން ޕީޕީއެމްއަށް ތާއިދު ކުރަނީތޯ ބައެއް ފަރާތްތަކުން ދިޔައީ ސުވާލު އުފައްދަވަމުންނެވެ.
އަރީފް ވިދާޅުވީ އެކުވެރިން މެދުވެރިކޮށް އަރީފަށް ދައްކަމުން ދަނީ އިބިލީސް އެމީހުންނަށް ދައްކަމުންދާ ދަޅަތަކެއް ކަމަށާއި ރައީސް އަބްދުﷲ ޔާމީންގެ އަނިޔާވެރިކަން ފޮރުވާ ނިވާފަތްގަނޑަކަށް ވެވެން ނެތް ކަމަށެވެ.