ކުއްލި ނުރައްކަލުގެ ހާލަތުގެ ނިވަލުގައި، ރައްޔިތުންގެ އަސާސީ ޙައްޤުތައް އިތުރަށް ހިފެހެއްޓުން ކުށްވެރިކުރާކަމަށް ޓްރާންސްޕޭރެންސީ މޯލްޑިވްސްއިން ބުނެފިއެވެ.
ޓްރާންސްޕޭރެންސީ މޯލްޑިވްސް އިން މިހެން ބުނެފައި ވަނީ މިރޭ ކުރި ޓްވީޓްތަކެއްގަ އެވެ.
.@TransparencyMV condemns the continuous and repeated undermining of the Constitution, prolonged withholding of fundamental rights and freedoms under the unlawful facade of the state of emergency. 1/2 #MaldivesInCrisis
— Transparency MV (@TransparencyMV) February 20, 2018
އެ ޖަމިއްޔާއިން ކުރި ފުރަތަމަ ޓްވީޓް ގައި ބުނެފައި ވަނީ ޤާނޫނުއަސާސީގެ ބާރު ކެނޑޭގޮތަށް ހުއްޓުމެއްނެތި ކުރަމުންގެންދާ ކަންކަމާއި، ރައްޔިތުންނަށް ލިބިފައިވާ އަސާސީ ޙައްޤުތަކާއި މިނިވަންކަން، ޤައިރު ޤާނޫނީ ކުއްލި ނުރައްކަލުގެ ހާލަތެއްގެ ނިވަލުގައި އިތުރަށް ހިފަހައްޓާ ހިފެހެއްޓުން ކުށްވެރި ކުރާ ކަމަށެވެ.
We strongly believe that the parliament should function in a manner that represents whole of the population. 2/2#MaldivesInCrisis
— Transparency MV (@TransparencyMV) February 20, 2018
އަދި އެ ޖަމިއްޔާއިން ބުނީ ރައްޔިތުންގެ މަޖިލިސް ހިނގަން ވާނީ ހުރިހާ ރައްޔިތުން ތަމްޞީލު ކުރެވޭ އުސޫލަކުން ކަމަށް ޤަބޫލުކުރައްވާ ކަމަށެވެ.
ޓްރާންސްޕޭރެންސީ މޯލްޑިވްސް އިން މިހެން ބުނެފައިވާއިރު، މިއަދު ހަވީރު 40 މެމްބަރުން ބައިވެރިވެގެން ދައުރުން ބޭރުން ބޭއްވި ރައްޔިތުންގެ މަޖިލީހުގެ ޚާއްޞަ ޖަލްސާގައި ވޯޓު ދިން 38 މެންބަރުންގެ އިއްތިފާގުން ދިވެހި ޖުމްހޫރިއްޔާގެ ޤާނޫނު އަސާސީ އާއި ކަނޑައެޅިގެން ޚިލާފަށް، ކުއްލި ނުރައްކަލުގެ ޙާލަތު އިތުރު 30 ދުވަހަށް ދިގުދަންމާލަން މަޖިލީހުން ވަނީ ފާސްކޮށްފައެވެ.
ކުއްލި ނުރައްކަލުގެ ހާލަތުގެ މުއްދަތު އިތުރު ކުރުމާއި ގުޅިގެން ސަރުކާރުން އަދިވެސް ރައްޔިތުންގެ އަސާސީ ގިނަ ޙައްޤުތަކެއް ހިފަހައްޓާފައިވާއިރު، އިދިކޮޅު ފަރާތްތަކުން ދަނީ މިހާރު ރާއްޖޭގައި ކުއްލި ނުރައްކަލުގެ ހާލަތެއް ނެތްކަމަށާއި، މަޖިލީހުން ފާސްކުރި ޤަރާރަށް އެއްވެސް ރައްޔިތަކު ތަބާވާން ނުޖެހޭނެ ކަމަށް ބުނަމުންނެވެ.