ބައްޕާފުޅު މައުމޫނު އަބްދުލް ޤައްޔޫމް އާއި ހައްޔަރުގައި ތިބި އެހެނިހެން މީހުންނާއި ގުޅޭގޮތުން ހުރި ކަންބޮޑުވުންތައް ހެލްތު މިނިސްޓްރީގެ ސްޓޭޓް މިނިސްޓަރު ދުންޔާ މައުމޫން އދ. އިން ރާއްޖެއަށް ކަނޑައަޅުއްވާފައި ހުންނަވާ ރެޒިޑެންޓް ކޯޑިނޭޓަރު ޝޮކޮ ނޮޑާއާ ހިއްސާކުރައްވައިފި އެވެ.
Counting on the support of @UN in resolving the current crisis in #Maldives. We value the partnership & your support for development of our country. Good to share concerns with @shokonoda regarding my father @maumoonagayoom & other detainees. #PeaceNotWar pic.twitter.com/8XjUfKOqxY
— Dunya Maumoon (@dunyamaumoon) February 21, 2018
ދުންޔާ މިއަދު ކުރެއްވި ޓްވީޓެއްގައި ވިދާޅުވީ ބައްޕާފުޅު މައުމޫނުއާއި ހައްޔަރުކޮށްފައިވާ އެހެން ފަރާތްތަކާއި ގުޅިގެން ހުރި ކަންބޮޑުވުންތައް އދ ގެ ރާއްޖޭގެ ރެޒިޑެންޓު ކޯޑިނޭޓަރު ޝޮކޮ ނޮޑާއާ ހިއްސާކޮށްފައިވާ ކަމަށެވެ.
ރާއްޖޭގެ ތަރައްޤީއަށްޓަކައި އދ. އިން ދޭ އެހީތެރިކަމަށް ޝުކުރު އަދާކުރަމުން ދުންޔާ ވިދާޅުވީ ރާއްޖޭއަށް މިހާރު ދިމާވެގެން އުޅޭ މައްސަލަތައް ހައްލުކުރުމުގައި އދ. ގެ އެހީތެރިކަމަށް ބަރޯސާވެ ވަޑައިގެން ހުންނެވި ކަމަށެވެ.
މި ހިނގާ ފެބްރުއަރީ މަހުގެ ފަސްވަނަ ދުވަހުގެ ރޭ ރައީސް މައުމޫންގެ ގެކޮޅަށް ގަދަ ބާރުން ވަދެގަނެ، ހައްޔަރު ކޮށްފައި ވަނީ ރައްޔިތުންގެ މަޖިލީހުގެ މެމްބަރުންނަށް ރިޝްވަތުދީ، އެމެމްބަރުންނާ ގުޅިގެން ވެރިކަން ވައްޓާލުމަށް މަސައްކަތް ކުރި ކަމުގެ ތުހުމަތުގައެވެ.
އެގޮތުން ރައީސް މައުމޫން ހައްޔަރުކޮށްފައިވާތީ ދުންޔާ އަންނަނީ ކަންބޮޑުވުން ފާޅުކުރަމުންނެވެ. ހައްޔަރުކޮށްފައިވާ ފަރާތްތަކުގެ ހައްގުތަކާއި ގުޅޭ ގޮތުން ހިއުމަން ރައިޓްސް ކޮމިޝަނާއި ވެސް ދުންޔާ ވަނީ ބައްދަލު ކުރައްވާފައެވެ.