މިރޭގެ މުޒާހަރާގައި ބައިވެރިވާ ފަރާތްތަކަށް ހާއްސަ ހަދިޔާއެއް ދެއްވާނެކަމަށް ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފް(މަހޭ) ވިދާޅުވެއްޖެއެވެ.
މަހޭ މިހެން ވިދާޅުވީ މިރޭ ކުރެއްވި ޓްވީޓެއްގައެވެ.
Mirey muzaaharaage baiverinnah alhuganduge faraathun hadhiyaaeh onnaane 🙂
— Ahmed Mahloof (@AhmedMahloof) February 22, 2018
އިދިކޮޅު ފަރާތްތަކުން ފެބްރުއަރީ 1 ވަނަ ދުވަހުން ފެށިގެން ހުއްޓުމެއް ނެތި މުޒާހަރާ ކުރަމުން އަންނަ އިރު މީގެ ކުރިން މަހޭ ވަނީ މުޒާހަރާ ކަވަރު ކުރާ ނޫސްވެރިންނަށް މާސްކު ހަދިޔާ ކުރައްވާފައެވެ.
އިދިކޮޅު ހަރަކާތުގެ އެންމެ އިސް ސަފުގައި ހަރަކާތްތެރިވާ މަހޭއަށް ދޭތެރެ ދޭތެރެއިން ފުލުސް އިދާރާއަށް ހާޒިރު ވުމަށް ޗިޓު ފޮނުވައެވެ. ނަމަވެސް މަހޭގެ މަސައްކަތަށް ކުޑަވެސް ބުރުލެއް ނާރައެވެ.
ކޮންމެ ރެއަކުވެސް ވަރަށް ޖޯޝާއި އެކު މުޒާހަރާގެ ބައިވެރިންނާ މުހާޠަބު ކުރައްވައި މި ވެރިކަން ނިންމާނެކަމުގެ ޔަގީންކަން މަހޭ ދަނީ ރައްޔިތުންނަށް ދެއްވަމުންނެވެ.