ޤާނޫނު އަސާސީ އާއި ޚިލާފަށް އިއުލާންކޮށްފައިވާ ކުއްލި ނުރައްކަލުގެ ޙާލަތު ވަގުތުން އުވާލުމަށް އެޓާނީ ޖެނެރަލް އޮފީހުގެ އިސް ވަކީލަކު ކަމުގައިވާ މަރިޔަމް ޝުނާނާ ގޮވާލައްވައިފި އެވެ.
ޝުނާނާ މިހެން ގޮވާލައްވާފައި ވަނީ މިރޭ ކުރެއްވި ޓްވީޓެއްގައެވެ.
Dearest Mr. President, Please lift the unconstitutional SoE imposed. SoE should not be used as a weapon to restrict non-derogable liberties under Art 255 of the Constitution. Thank you.
— SHUNA 👩🏻💻 (@ShunanaMariyam) February 22, 2018
އެ ޓްވީޓްގައި ޝުނާނާ ވަނީ ޤާނޫނު އަސާސީ އާއި ޚިލާފަށް އިއުލާންކޮށްފައިވާ ކުއްލި ނުރައްކަލުގެ ޙާލަތު ވަގުތުން ނިމުމަކަށް ގެނައުމަށް ރައީސުލްޖުމްހޫރިއްޔާ އަށް ގޮވާލައްވާފައެވެ. އަދި ގާނޫނު އަސާސީގެ 255 ވަނަ މާއްދާއާއި ހިލާފަށް ނުހިފެހެއްޓޭނެ ހައްގުތައް ހިފަހައްޓަން ކުއްލި ނުރައްކަލުގެ ހާލަތު ބޭނުން ކޮށްގެން ނުވާނެ ކަމަށް ވެސް ޝުނާނާ ވިދާޅުވި އެވެ.
މިއީ ދައުލަތް ތަމްސީލު ކުރާ ވަކީލަކު ކުއްލި ނުރައްކަލުގެ ހާލަތާ ދެކޮޅަށް ވާހަކަ ދެއްކި ފުރަތަމަ ފަހަރެވެ.
އެޓާނީ ޖެނެރަލް އޮފީހުގެ އިސް ވަކީލަކު ކުއްލި ހާލަތު އޮވާލަން ގޮވާލި އިރު، ކުއްލި ހާލަތު އިއުލާންކޮށް އެކަން ދިފާއު ކުރުމަށް އެޓާނީ ޖެނެރަލް މަސައްކަތް ކުރައްވާތީ އެޓާނީ ޖެނެރަލްއާއި ދެކޮޅަށް ޕެޓިޝަނެއް ތައްޔާރު ކުރުމުގެ މަސައްކަތް އެ އޮފީހުގެ ވަކީލުން ވަނީ ކުރައްވާފައެވެ.
އެހެންނަމަވެސް ވަޒީފާގެ ބިރުވެރިކަން އެބަ އޮތް ކަމަށް ވިދާޅުވެ އެ ޕެޓިޝަނުގެ މަސައްކަތް ވަނީ ފަހުން ހުއްޓާލާފައެވެ.