އިދިކޮޅު ފަރާތްތަކުން މާލޭގައި ހުކުރު ދުވަހު ހަވީރު ކުރިއަށްގެންދިޔަ މުޒާހަރާ ކަވަރު ކުރަމުން ދިޔަ ޗެނަލް 13ގެ ނޫސްވެރިންނަށް މުޒާހަރާގެ ބައިވެރިން ފުރައްސާރަ ކުރި މައްސަލަ ވެރިކަން ކުރާ ޕީޕީއެމްއިން ކުށްވެރިކޮށްފި އެވެ.
ޕީޕީއެމްއިން ނެރުނު ބަޔާނެއްގައި ބުނެފައިވަނީ ރައްޔިތުންނަށް ތެދު މައުލޫމާތު ގެނެސްދިނުމަށް ޗެނަލް 13ގެ ނޫސްވެރިން މަސައްކަތް ކުރަމުން ދަނިކޮށް އެ މަސައްކަތަށް ހުރަސް އަޅައި ހުތުރު ބަހުން މުއާމަލާތް ކޮށްފައިވާ މައްސަލަ ހަރުކަށި އިބާރާތުން ކުށްވެރި ކުރާކަމަށެވެ.
@Ch13official ge Noosverinnah Idhikolhu Muzaahiraage baiverin huras alhaifi. Press freedom ah govalaa meehunge Haalu dhekibala @PoliceMv @MNDF_Official @em_saeed @VaguthuOnline @avasmv @Mihaarunews @sunbrk @mshainee @ImjadJ pic.twitter.com/GuJ3PHi3Lx
— Media Service (@mediaservicemv) March 2, 2018
އިއްޔެ އެއްވުން ކުރިއަށް ދަނިކޮށް ޗެނަލް 13ގެ ޕްރެސެންޓަރ ލަޔާލްއަށް ބަޔަކު ވަނީ ހުރަސް އަޅައި ހުތުރު ބަހުން މުއާމަލާތްކޮށްފައެވެ. ލަޔާލް އާއި އެކު އެ ޗެނަލްގެ ސީއީއޯއަށްވެސް އެފަރާތްތަކުން ވަނީ ހުރަސް އަޅާފައެވެ.
Minivankamey, Noosverikamey kiyaa Adu Gadha kuraa Idhikolhu Jamaa athuge meehunnah vaa varakee miee! @Ch13official @alayalm hivvarah Saabas! pic.twitter.com/k5FMiRNyd8
— Ahmed Nihan (@ahmed_nihan) March 2, 2018
ޕީޕީއެމްއިން ނެރުނު ނޫސް ބަޔާން ޓްވީޓު ކުރައްވައި ޕީޕީއެމްގެ ޕާލިމެންޓްރީ ގްރޫޕްގެ ލީޑަރ އަހުމަދު ނިހާން ހަސަން މަނިކު ވިދާޅުވީ "މިނިވަންކަމޭ، ނޫސްވެރިކަމޭ ކިޔައި، އަޑުގަދަ ކުރާ އިދިކޮޅު ޖަމާއަތުގެ މީހުންނަށް ވާވަރަކީ މިއީކަމަށެވެ."
ސަރުކާރަށް ތާއިދު ކުރާ ފަރާތްކުން ހިނގަމުން އަންނަ ޗެނަލް 13ގެ ނޫސްވެރިންނަށް ހުރަސް އަޅާފައިވާ އިރު ޗެނަލް 13 އާއި ދައުލަތުގެ މީޑިއާ ފިޔަވައި ރާއްޖޭގައި ދެން ހުރި ޓީވީ ސްޓޭޝަންތަކުގެ މަސައްކަތަށް ފުލުހުންން ހުރަސް އަޅާކަމަށް އެފަރާތްތަކުން ދަނީ ބުނަމުންނެވެ.