ފަނޑިޔާރުންގެ ގާނޫނަށް މިއަދު ޕީޕީއެމްއިން ހުށަހެޅި އިސްލާހަކީ ޖުޑިޝަރީ ނޮޅާ ކެއުންފަދަ ކަމެއްކަމަށް ޖުމްހުރީ ޕާޓީގެ ލީޑަރ ގާސިމް އިބްރާހިމް ވިދާޅުވެއްޖެއެވެ.
ޕީޕީއެމްގެ ނައިބް ރައީސް ފޮނަދޫ ދާއިރާގެ މެމްބަރ އަބްދުﷲ އަބްދުއް ރަހީމް މިއަދު މަޖްލިސްއަށް ވަނީ ފަނޑިޔާރުންގެ ގާނޫނަށް އިސްލާހެއް ހުށަހަޅުއްވާފައެވެ.
އެކަމަށް އިޝާރާތް ކުރައްވައި މިރޭ ގާސިމް ވިދާޅުވީ ސްޕްރީމް ކޯޓްގެ ފަނޑިޔާރުންނާއި އެކޯޓް ހިސޯރުކޮށް، އެކޯޓްގެ ހިސޯރު ކުރެވުނު ފަނޑިޔާރުން މަޤާމުން ދުކުރުމުމަށް ފަނޑިޔާރުންގެ ޤާނޫނަށް ބަދަލު ގެނައުމަކީ ކަނޑައެޅިގެން ޤާނޫނު އަސާސީއާއި ހިލާފުކަމެއް ކަމުގައެވެ.
SCge fandiyaarun hayyarukoh, SC hisorukurumaffahu, eggoiy noon aneh gothakun hisorukuri fandiyaarun magaamun vakikurumah fandiyaarunge gaanoonah badhal genaumakee kandaelhigen QA aa khilaf kameh. Evaanee ufedhumugaives bathil kamakah. Adhi Ee judiciary nolhaa keun fadha kameh.
— Qasim Ibrahim (@qasimibrahim) March 5, 2018
އަބްދުއް ރަހީމް މިއަދު ފަނޑިޔާރުންގެ ގާނޫނަށް ހުށަހެޅުއްވި އިސްލާހަކީ ގާނޫނު ނަންބަރ 13/2010 ދިވެހި ރާއްޖޭގެ ފަނޑިޔާރުންގެ ގާނޫނުގެ 15 ވަނަ މާއްދާގެ (ށ)ގެ 4 ގެ ފަހަތަށް ބައެއް އިތުރު ކުރުމަށް ހުށަހެޅީ އިސްލާހެކެވެ.