ރައްޔިތުންގެ މަޖިލީހުގެ މެމްބަރުން މަޖިލީހަށް އިންތިޚާބުވާ ޕާޓީން ވަކިވެއްޖެ ނަމަ މެމްބަރުކަމުގެ ގޮނޑި ގެއްލޭ ގޮތް ހަދަން އެންޓި ޑިފެކްޝަންގެ ބިލް ސަރުކާރު ކޯލިޝަނުން ރައްޔިތުންގެ މަޖިލީހަށް ހުށަހެޅުމުން އެކަމަށް ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ފާޑުވިދާޅުވެއްޖެއެވެ.
ނިޒާރު ކުރެއްވި ޓްވީޓެއްގައި ވިދާޅުވެފައި ވަނީ، އެންޓި ޑިފެކްޝަން ބިލަކީ، ޕީޕީއެމްގެ މަޖިލިސް މެންބަރުން ތަޅު އަޅުވައި، އަޅުންގެ ގޮތުގައި ޗޮކްލެޓް ބަންދުކުރަން ބައިތިއްބަން ޖަހާ މަޅިއެއް ކަމަށެވެ.
PPM Mps thalhu Alhuvai , Alhun ge gothugai Chocolate Bandhu kuran bai thibban jahaa Malhi eh. @ahmedmubean @YaminRasheed @abkhaleel @RifauMP https://t.co/9EE9zlZlVb
— Ali Nizar (@DhekunuNizar) March 6, 2018
މަޖިލީހަށް އިންތިޚާބުވާ ޕާޓީން ވަކިވާ ނުވަތަ ވަކިކުރާ ނުވަތަ އެހެން ޕާޓީއަކަށް ބަދަލުވާ މެމްބަރުންގެ ގޮނޑި ގެއްލޭނެ ކަމަށް ކަނޑައަޅާ ބިލް މަޖިލީހަށް ހުށަހެޅުއްވީ ޕީޕީއެމް ޕާލިމެންޓްރީ ގްރޫޕްގެ ލީޑަރު އަހުމަދު ނިހާނެވެ.