އެމްޑީޕީ އެހެން ސިޔާސީ ޕާޓީތަކާއި އެކު އިއްތިހާދުވި ފަހުން ހުރިހާ ކަމެއްވެސް ކުރަނީ ޕާޓީތަކުގެ މަޝްވަރާގެ މަތިންކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
MDP ehen party thakai eku iththihaadhvi fahun, MDP ves adhi alhugan’duves, dhahkaa vaahakaves adhi hingaa kankanves, hinganee iththihaadhge party thakaa mashavaraa koh, huriha party thah edhey minvarah adhi edhey gothah. Kuriah oiythaagaves kan higaanee egothah
— Mohamed Nasheed (@MohamedNasheed) March 12, 2018
ރައީސް މުހައްމަދު ނަޝީދު ސަރުކާރާއި އެކު ސިއްރު މަޝްވަރާ ކުރައްވާފައިވާ ކަމަށް ވިދާޅުވެ، ފިޝަރީޒް މިނިސްޓަރ މުހައްމަދު ޝައިނީ މިއަދު ނޫސް ކޮންފަރެންސެއްގައި ވާހަކަފުޅު ދައްކަވާފައިވަނިކޮށް ނަޝީދު މިރޭ ކުރެއްވި ޓްވީޓެއްގައި ވިދާޅުވީ އެމްޑީޕީންވެސް އަދި އަޅުގަނޑު (މުހައްމަދު ނަޝީދު) ވެސް ދައްކާ ވާހަކައެއް، އަދި ހިންގާ ކަންކަންވެސް، ހިންގަނީ އިއްތިހާދުގެ ޕާޓީތަކާއި މަޝްވަރާކޮށް، ހުރިހާ ޕާޓީތައް އެދޭ މިންވަރަށް އަދި އެދޭ ގޮތަށް ކަމަށެވެ.
ނަޝީދު ވިދާޅުވީ ކުރިއަށް އޮތް ތަނުގައިވެސް ކަން ކުރާނީ އެ އުސޫލުން ކަމަށެވެ.
ނަޝީދު މިފަދައިން ޓްވީޓު ކުރައްވާފައިވާ އިރު މިރޭ އިދިކޮޅު ފަރާތްތަކުން ބޭއްވި ނޫސް ކޮންފަރެންސްގައި އެމްޑީޕީގެ ޗެއާޕާސަން ހަސަން ލަޠީފު ވިދާޅުވީ މުޙައްމަދު ނަޝީދާއި ސަރުކާރުން ސިއްރިއްޔާތުގައި މަޝްވަރާއެއް ނުކުރައްވާ ކަމަށާއި ތިންވަނަ ފަރާތެއް މެދުވެރިކޮށް މަޝްވަރާ ކުރަން ސަރުކާރުން ހުށައެޅުމުން ނަޝީދު ވަނީ އެކަން އިއްތިހާދާއި ހިއްސާކޮށްފައި ކަމަށެވެ.