ކުއްލި ނުރައްކަލުގެ ހާލަތުގެ ދަށުން ހައްޔަރުކޮށްފައިވާ ގަލޮޅު ދެކުނު ދާއިރާގެ މެމްބަރ އަހުމަދު މަހްލޫފު 13 ދުވަހަށް ބަންދުކޮށްފައި ބަހައްޓަން މިރޭ ކްރިމިނަލް ކޯޓުން އަމުރުކޮށްފިއެވެ.
މަހްލޫފު ބަންދުގައި ބަހައްޓަން ކްރިމިނަލް ކޯޓުން އަމުރުކުރީ މިރޭ 8 ޖެހި އިރު ކްރިމިނަލް ކޯޓަށް ހާޒިރު ކުރުމަށްފަހުއެވެ. ނަމަވެސް ބަންދުގައި ބަހައްޓަން އަމުރުކުރީ ކޮން މައްސަލައަކާއި ގުޅިގެން ކަން ސާފެއް ނުވެއެވެ.
މަހްލޫފު ހައްޔަރުކޮށްފައިވަނީ މިދިޔަ ފެބްރުއަރީ މަހުގެ 22 ވަނަ ދުވަހުގެ ރޭ އިދިކޮޅު ފަރާތްތަކުން މާލޭގައި ކުރިއަށް ގެންދިޔަ މުޒާހަރާ ތެރެއިންނެވެ.