ކްރިމިނަލް ކޯޓުން ރައީސް އަބްދުﷲ ޔާމީން ހައްޔަރުކުރަން އަމުރު ނެރެފި ނަމަ އެއަމުރު ތަންފީޒު ކުރަން ޖެހޭނެ ކަމަށް ކެންދޫ ދާއިރާގެ މަޖިިލިސް މެންބަރު އަލީ ހުސައިން ވިދާޅުވެއްޖެއެވެ.
އަލީ ހުސައިން މިހެން ވިދާޅުވެފައި ވަނީ ރައީސް އޮފީހުގެ ލީގަލް އެފެއަރޒް މިނިސްޓަރ އާޒިމާ ޝަކޫރު ދެއްކެވި ވާހަކަތަކަކަށް ރައްދު ދެއްވައި ކުރެއްވި ޓްވީޓެއްގައެވެ.
ޖީއެމްއާރް މައްސަލައިގައި ދައުލަތުން އެތައް މިލިއަން ފައިސާއެއް އެ ކުންފުންޏަށް ދައްކަން ޖެހުމުގެ ޒިންމާ ނަގަން ޖެހޭނެ ކަމަށް ގިނަ ބަޔަކު ބުނަމުން ގެންދާ އާޒިމާ ވިދާޅުވެފައިވަނީ ރައީސް ހައްޔަރުކުރަން ސުޕްރީމް ކޯޓުން ނެރޭ އަމުރު ތަންފީޒު ނުކުރާނެ ކަމަށެވެ.
Criminal Courtun Yaameen hayyaru kuran amuru nerefinama e amuruves jeheynee thanfeezu kuran. Qaanoonee verikan hingaa gothakee e ee. Gonmushuge baaruge dhashugai fithifai, indha jehifai thibi fuluhunves heyvari veema ekan kuraane. https://t.co/Vi3RILNRa4
— Ali Hussain (@AleeVoice) March 18, 2018
އަލީ ހުސައިން އިތުރަށް ވިދާޅުވި ގޮތުގައި ގޮށްމުށުގެ ބާރުގެ ދަށުގައި ފިތިފައި އިނދަޖެހިފައި ތިބި ފުލުހުން ވެސް ހޭވެރި ވީމައި އެކަން(ކޯޓުގެ އަމުރު ތަންފީޒު) ކުރާނެ ކަމަށެވެ.