އައްޑޫ ކޮންވެންޝަން ސެންޓަރު (އީސީސީ) ހުންނަ ސަރަހައްދުން އެމްޑީޕީ ސަރުކާރުން އަތުލާފައިވާ ގޯތިތައް އަންނަ ހަފުތާގައި ދޫކުރާނެކަމަށް ހައުސިން މިނިސްޓަރ ޑރ. މުހައްމަދު މުއިއްޒު ވިދާޅުވެއްޖެ އެވެ.
މުއިއްޒު މިއަދު ކުރެއްވި ޓްވީޓެއްގައި ވިދާޅުވީ އީސީސީ ސަރަހައްދުން ނެގި ގޯތިތައް އަލުން ދޫކުރުމަށް ރައީސް ޔާމީން ނިންމަވާފައިވާ ކަމަށެވެ. އަދި އަންނަ ހަފްތާ ތެރޭގައި ގޯތި ދޫކުރަން ފެށޭނެކަމަށް މުއިއްޒުގެ ޓްވީޓުގައި ވިދާޅުވެފައިވެ އެވެ.
Addu Convention Centre sarahahdhun MDP sarukaaruge Addu rayyithun athun vakikuri goathithah anburaa havaalu kuran Raees Yameen nimmavaa, e goathi thah anna hafthaain feshigen havaalu kuran fashaanan IA.
— Dr.Mohamed Muizzu (@MMuizzu) June 19, 2018
މުއިއްޒު މިފަދަ ޓްވީޓެއް ކުރެއްވި އިރު އީސީސީ ސަރަހައްދުން ނެގި ގޯތި ދޫކުރައްވާނެކަމަށް މިއަހަރުގެ މާޗުމަހުގެ 30 ވަނަ ދުވަހުގެ ރޭވެސް ވަނީ ވިދާޅުވެފައެވެ.
ޓީވީއެމްއިން ގެނެސްދިން ޕްރޮގްރާމެއްގައި އެދުވަހު މުއިއްިޒު ވިދާޅުވީ ރައީސް ޔާމީން ވެރިކަމަށް ވަޑައިގެންނެވުމަށް ފަހު ކުރައްވަން ޖެހިވަޑައިގެންނެވީ ކުރީގެ ރައީސް މުހައްމަދު ނަޝީދު "ހޭވި ހަޑި" ސާފުކޮށް ތާކުންތާކުނުޖެހޭ ގޮތަށް ކުރައްވާފައި ހުންނެވި ކަންކަން ރަނގަޅުކުރުމުގެ މަސައްކަތްތައް ކަމަށެވެ.
އެގޮތުން އައްޑޫން ދޫކުރި ގޯތިތަކަކީ ވެސް އެފަދަ އެއް މަސައްކަތް ކަމަށާއި އެ ގޯތިތައް އަލުން ރައްޔިތުންނަށް ދިނުމަށް މަސައްކަތް ކުރަމުންދާ ކަމަށްވިދާޅުވި އެވެ.
މުއިޒް ރޭ ވަނީ އީސީސީ ހިމެނޭ މާމެންދޫ ސަރަހައްދުން ކުރިް ގޯތި ލިބުނު މީހުން ވީހާ ވެސް އަވަހަކަށް އެ މީހުންނަށް ގޯތި ލިބުނުކަން ހެއްކާ އެކު މިނިސްޓްރީއަށް ހުށަހެޅުމަށް އެދިވަޑައިގެންފަ އެވެ.