އެމްއެމްޕީއާރްސީގެ ހިޔާނާތުގެ ފައިސާ ލިބުނުކަމަށް ތުހުމަތުކޮށް ދައުރު ކުރަނީ ދޮގު ވާހަކަތަކެއް ކަމަށް ކުރީގެ ފޮރިން މިނިސްޓަރު ދުންޔާ މައުމޫން ވިދާޅުވެއްޖެއެވެ.
އެމްއެމްޕީއާރްސީގެ ހިޔާނާތުގެ ފައިސާ ލިބުނުކަމަށް ބުނާ މީހުންގެ ލިސްޓެއް ރޭގެ ވަގުތެއްގައި ސޯޝަލް މީޑިއާގައި ދައުރުވަމުން އަންނައިރު އެ ލިސްޓުގައި ކުރީގެ ފޮރިން މިނިސްޓަރު ދުންޔާއަށް ވެސް އެ ފައިސާ ލިބުނު ކަމަށް ބުނެފައިވެއެވެ.
އެކަމާ ގުޅިގެން ކުރި ޓްވީޓެއްގައި ދުންޔާ ވިދާޅުވެފައިވަނީ، އެމްއެމްޕީއާރްސީގެ ހިޔާނާތުގެ ފައިސާ ލިބުނުކަމަށްބުނެ ފެތުރޭ ވާހަކައަކީ ދޮގެއް ކަމަށެވެ. އަދި އެމްއެމްޕީއާރްސީގެ ހިޔާނާތުގެ ފައިސާއިން އެއްވެސް ވަރެއްގެ މަންފާއެއް ލިބިފައިނުވާކަމަށްވެސް ދުންޔާ ވިދާޅުވެފައިވެއެވެ.
With regards to the false rumours circulating in social media linking me to MMPRC corruption of MVR 200k (USD 13k), I categorically deny these allegations & I deny being involved with or benefiting from any MMPRC corruption at any time whatsoever!
— Dunya Maumoon (@dunyamaumoon) May 12, 2021
އެމްއެމްޕީއާރްސީގެ ހިޔާނާތުގެ ފައިސާ ލިބުނުކަމަށް ބުނާ މީހުންގެ ލިސްޓެއް ރޭގެ ވަގުތެއްގައި ސޯޝަލް މީޑިއާގައި އާންމުވެފައިވަނީ ހިޔާނާތުގައި ބައިވެރިވި މީހުންގެ ލިސްޓް މަޖިލީހުގެ ޖުޑިޝަރީ ކޮމިޓީއާއި ސަލާމަތީ ހިދުމަތްތަކާ ބެހޭ ކޮމިޓީގެ ޖޮއިންޓް ކޮމިޓީއަށް އެސެޓް ރިކަވަރީ ކޮމިޝަނުން ހިއްސާކޮށްފައިވަނިކޮށެވެ.