އެމްޑީޕީގެ ޗެއާޕާސަންގެ އިންތިހާބުގައި އިކޮނޮމިކް މިނިސްޓަރު ފައްޔާޒް އިސްމާއިލަށް ތާއީދުކުރަން ނިންމީ އައްޑޫސިޓީގެ މަސްލަހަތު އިސްކޮށް ކަމަށް އައްޑު މޭޔަރު އަލީ ނިޒާރު ވިދާޅުވެއްޖެއެވެ.
މޭޔަރު ނިޒާރު ކުރެެއްވި ޓްވީޓެއްގައި ވިދާޅުވީ، އައްޑޫގެ ތަރައްޤީގެ މަސައްކަތް އެންމެ ގާތުން ބައްލަވާ މަޝްވަރާ ދެއްވާ ބޭފުޅަކީ ފައްޔާޒް ކަމަށެވެ.
"އަޅުގަނޑު އިސްކުރާނީ އައްޑޫގެ މަސްލަހަތު." މޭޔަރު ނިޒާރު ވިދާޅުވެފައިވެއެވެ.
ނިޒާރު ވިދާޅުވީ، 2023 ގެ ރިޔާސީ އިންތިހާބު އެމްޑީޕީއަށް ލިބިގަންނަން ބޭނުންވަނީ "ގަޓު ހުރި" ލީޑަރޝިޕެއް ކަމަށެވެ. އަދި ރޮޒައިނާ އާއި ފައްޔާޒަކީ ހިންގާލާނެ ދެބޭފުޅުންކަމަށް ނިޒާރު ވިދާޅުވިއެވެ.
Addu ge tharaggee ge masakkai emme gaathun ballavai mashvaraa dhevvaa beyfulhakee @faya_i. Alhugadu Iskuraanee Addu ge maslahath. 2023 ge Riyaasee Inthihaab @MDPSecretariat ah libigannan beynun vanee "gut" huri leadership eh. @Roxeyna adhi @faya_i akee Hingaalaane 2 beyfulhun. pic.twitter.com/Nhzf5rWzxy
— Ali Nizar (@DhekunuNizar) March 5, 2022
އެމްޑީޕީގެ ޗެއާޕާސަންގެ އިންތިހާބަށް ވާދަކުރައްވާ ފައްޔާޒް އައްޑުސިޓީގައި ހަރަކާތްތެރިވަމުން އަންނައިރު، މި އިންތިހާބުގައި ފައްޔާޒާ ވާދަކުރައްވާ ރައްޔިތުންގެ މަޖިލީހުގެ މެމްބަރު އިމްތިޔާޒް ފަހުމީވެސް މިވަގުތު އަންނަނީ އައްޑޫސިޓީގައި ކެމްޕޭނަށް ހަރަކާތްތެރިވަމުންނެވެ.
އެމްޑީޕީގެ ޗެއަރޕާސަން މަގާމާއި އަންހެނުންގެ ރޫހު، ޒުވާނުންގެ ހިތްވަރުގެ ރައީސް އަދި ނައިބް ރައީސް ކަމުގެ މަޤާމުގެ އިންތިހާބް ބޭއްވުމަށް ހަމަޖެހިފައިވަނީ އޭޕްރީލް 16 ވަނަ ދުވަހު އެވެ.