ގޯދިއްޔާ ފުޓްސަލް މުބާރާތުގެ ގްރޫޕް އޭ ގެ ފަހު މެޗްގައި އެފްސީ ހަބޭސް އާއި ބައްދަލުކުރި މެޗުން ބަލިވެ ވެލާ ޕްރައިވެޓް އައިލޭންޑް ރިސޯޓް މުބާރާތުން ކަޓައިފިއެވެ.
ފޯރިގަދަ ކުޅުމެއް ފެނިގެން ދިޔަ މި މެޗް ހަބޭސް އިން ކާމިޔާބުކުރީ 3-6 އިންނެވެ.
މިރޭގެ މެޗްގައި ހަބޭސްގެ އިބްރާހިމް ހަމްދާން ވަނީ ހެޓްރިކެއް ހަދާފައެވެ. ދެން އެޓީމުގެ ގޯލްތައް ކާމިޔާބުކޮށްދިނީ އަލީ ލިރުޢާމް އާއި ހާރޫން އިބްރާހީމެވެ. ހަބޭސްގެ 6 ވަނަ ގޯލަކީ، ވެލާގެ އަލީ ރަޒީ އަތުން ބައިކޮޅަށް ވަން ގޯލެކެވެ.
ވެލާ ޓީމުގެ ދެ ލަނޑު ވެސް ކާމިޔާބުކޮށްދިނީ އަހްމަދް އިމްރާނެވެ.
މި ނަތީޖާ އާއި އެކު ހަބޭސް އަށް 4 މެޗުން 12 ޕޮއިންޓް ލިބިފައިވާއިރު، ގްރޫޕްގެ 2 ވަނައިގައިވާ ކަޒިންސް އެފްސީ އަށް ލިބިފައިވަނީ 4 މެޗުން 9 ޕޮއިންޓެވެ.
މިއީ ގޯދިއްޔާ ފުޓްސަލް މުބާރާތުގައި ވެލާ ޕްރައިވެޓް އައިލޭންޑުން ބައިވެރިވި ފުރަތަމަ ފަހަރެވެ.