މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަށް އަމާޒުކޮށް ދީފައިވާ ބޮމުގެ ޓެރިރިސްޓް ހަމަލާގެ ތަހުގީގު ކުރިއަށްދާ ގޮތް ރަނގަޅު ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
މިނިސްޓަރު އިމްރާން ކުރެއްވި ޓްވީޓެއްގައި ވިދާޅުވެފައިވަނީ އެ މައްސަލައިގެ ތަހުގީގުގައި މިހާތަނަށް ހޯދިފައިވާ ކުރިއެރުންތައްވެސް ރަނގަޅު ކަމަށާއި، އަދި ތަހުގީގު ކުރިއަށްދާގޮތްވެސް ރަނގަޅުކަމަށެވެ.
އިމްރާން ވިދާޅުވީ މިހާތަނަށް ލިބުނު ކުރިއެރުމުގައި ގިނަ ފުލުހުންގެ ހުނަރުވެރި މަސައްކަތުގެ އިތުރުން ރައްޔިތުން ފޯރުކޮށްދިން މައުލޫމާތު ބޮޑު ދައުރެއް އަދާކުރާ ކަމަށެވެ.
Raees Nasheed ah amaazukoh dhin terrorist hamalaage thahugeeg kuriyah dhaagothaai thahugeeg ga mihaathanah hodhifaivaa kurierunthah rangalhu. Mihaathanah libunu kurierumuga gina fuluhunge hunaruveri masahkathuge ithurah rayyithun foarukohdhin mauloomaathu bodu dhaureh adhaakurey.
— Imran Abdulla (@ShimranAb) May 9, 2021
ރައީސް ނަޝީދަށް ދިން ހަމަލާއާ ގުޅިގެން މިހާތަނަށް ތިން މީހަކު ހައްޔަރުކޮށްފައިވެއެވެ. އޭގެތެރޭގައި ހިމަ ހަމަލާގެ އެންމެ މުހިންމު މީހާގެ ގޮތުގައި ފުލުހުން ފާހަގަކުރާ މީހާވެސް ހިމެނެއެވެ.